Í Skagafirði eru margir athyglisverðir staðir, er kalla á lengri eða styttri ferðir. Þar sem Sölvanes er ekki fjarri miðju héraðins, er það ágætis dvalarstaður þaðan sem hægt er að fara í lengri eða styttri skoðunarferðir í átt til hafs eða jökla. Hér eru nokkur dæmi.

• Náttúran
• Athyglisverðir staðir og söfn
• Afþreying og þjónusta í Sölvanesi og nágrenni

---

Athyglisverðir staðir og söfn
Glaumbær Átta km. norður af Varmahlíð ef ekið er í áttina til Sauðárkróks er byggðasafnið að Glaumbæ. Höfðingjasetrið Glaumbær var byggt um miðja 19. öld og sýnir húsakost betri bænda fyrir 150 árum siðan, síðan, auk timburhússins frá Ási í Hegranesi, sem reist var nær aldamótunum og hýsir nú veitingahús safnsins.	Glaumbær
Reykir Einnig er sögulegt minjasafn á Reykjum, rétt hjá Steinstaðaskóla, en þar hefur Kristján Jóhannesson endurreist torfbæ forfeðra sinna frá 19. öld.
Víðimýrarkirkja Sóknarkirkjan á Víðimýri, sem er til hægri rétt eftir að komið er niður úr Vatnsskarðinu, var byggð 1834. Kristján Eldjárn hefur sagt um kirkjuna að hún sé "einn stílhreinasti og fegursti minjagripur íslenskrar gamallar byggingarlistar, sem til er". Byggingarefnið var torf og rekaviður af Skaga. Í kirkjunni eru einnig varðveittir ýmsir kirkjumunir úr fyrri kirkjum á staðnum svo sem prédikunarstóllinn og dönsk altaristafla frá árinu 1616. [til baka]	Víðimýrarkirkja

---

Afþreying og þjónusta í Sölvanesi og nágrenni
Göngur og réttir Það hefur verið æ vinsælla hjá ferðamönnum að taka þátt í göngum og fara í réttir.  Frá Sölvanesi er stutt yfir Kiðaskarð í Stafnsrétt.  Sú leið er skemmtileg hvort sem farið er á hestum eða jeppum.  Innansveitar er réttað í Mælifellsrétt.	Stafnsrétt í Svartárdal, A-Hún.Ljósm:EM
Rafting Fyrir þá, er leita ævintýra og áhættu eru bátasiglingar af ýmsum erfiðleikastigum í boði á Jökulsánum í Austurdal og Vesturdal, hjá fyrirtækjunum Ævinýraferðum og Bátafólkið. Í siglingunum njóta farþegar nýs sjónarhorns af náttúrufegurð Skagafjarðar.
Sund Nokkuð er um heitar uppsprettur í Skagafirði - eins og reyndar um allt Ísland -. Því eru víða sundlaugar og heitir pottar, þar sem þreyttir ferðalangar geta látið líða úr sér þreytu dagsins. Næstu sundlaugar við Sölvanes eru í Steinsstaðaskóla, í Varmahlíð og á Sauðárkróki.
Hestar og útreiðar Skagafjörður er víðþekktur fyrir hesta. Í boði eru styttri eða lengri ferðir á hestum hjá ýmsum hestaleigum og skipuleggjendum hestaferða.  Næsta hestaleiga er á Lýtingsstöðum, aðeins 5 mín. akstur frá Sölvanesi  Leitið upplýsinga hjá Sveini og Evelyn í s: 453-8064, netfang:info@lythorse.com veffang:http://www.lythorse.com	Frá Brennureið Skagfirðinga
Veiði Víða í héraðinu eru lax og silungsveiðiár. Rétt við bæjarvegginn í Sölvanesi rennur Svartá, en í henni er gestum heimil ókeypis urriðaveiði.
Viðhald og viðgerðir Á bænum Hóli, rétt framan við Sölvanes,  er rekið verkstæði.  Allar almennar viðgerðir og viðhald sem ferðamaðurinn gæti þurft á að halda. Hafið samband við Ásgeir Arnljótsson í s: 453-8070 / 453-8370 eða 854-0576 / 852-4089 [til baka]

Heimasíða - Frekari upplýsingar - Gisting í Sölvanesi - Íslensk netföng

Sölvanes, 560 Varmahlíð +++ s.: 453 80 68 +++ solvanesskag@simnet.is